LP 47: Bulaklak

Nakalimutan ko ang pangalan ng bulaklak na ito. Actually isa syang cactus. Iba iba ang kulay ng mga bulaklak ng halamang to. May pink, red, yellow, fuchsia at ewan kung totoong may asul pa (feeling ko tsismis lang yun. hehehe). Ewan kung bakit nagkaron ng panahon na sobrang naging sikat ito sa amin at halos lahat ng bahay ay meron nito. Sobrang naging expensive pa nito at umaabot pa ng libo kung bibilhin mo. Akala ko naman ang hirap nyang buhayin o palaguhin pero madali lang pala. Ngayon, nawala na yung pagiging uso nito pero sobrang dami pa rin nito sa mga bahay bahay. Siguro ay nagsisisi na ang mga taong gumastos ng pagkalaki laki para lang sa mga halaman na ito. Ayon pa nga sa feng shui ay malas itong ilagay sa harapan ng bahay dahil ito ay cactus nga at may mga tusok tusok sa kanyang stem. Maganda man ang bulaklak ng halaman na ito, sobrang naging exaggerated ang pagsikat nito kaya ngayon ay parang nakakaumay na syang tingnan. Parang lahat ng sulok ng Vigan e meron nito. Pero ito ay dulot lang naman ng sobrang pagsikat nya dito. Kung di sana naging ganun ay siguradong ma-aappreciate ko pa rin ang kagandahan ng bulaklak na ito.