LP 52: Paboritong Litrato

Ito ay isa sa aking mga paboritong litrato dahil isa ito sa mga una kong kinuhanan noong nabili ko ang aking DSLR. Pero syempre hindi lang yun ang dahilan, pakiramdam ko ay napaka-sweet ng magkapatid na ito. Bago ko mailabas ang aking camera ay sinusubuan pa ng kuya ang bulingit ng ice cream. sayang at nasa loob ng opisina noon ang aking camera dahil yun sana ang gusto kong kuhanan. Pero kahit na di ko inabutan yung pagmemeryenda nila, natutuwa pa rin ako sa litratong ito dahil ramdam pa rin naman ang pagiging kapatid at kuya nung batang lalaki dito. Habang binabantayan nya ang kanyang kapatid, e inaaliw nya ito sa pagpapakita ng iba't ibang mga bagay na interesante sa kanya. Aakalain mong malungkot ang magiging dating ng larawan dahil mga batang kalye sila, pero mas maaantig yung puso mo sa kainosentahan at pag-asang dinudulot ng larawan. Sa mga bata, minsan, kahit wala silang mga materyal na pag-aari o may kahirapan ang kanilang mga buhay, nakikita pa rin nila at na-aappreciate ang kagandahan ng paligid at ng buhay.