LP 37: Mahalagang Regalo

Napakarami kong maituturing na napakahalagang regalo. Isa na rito ay ang aking pamilya at ang aking buhay. Isa na rin ang akingp agiging Kristiyano at ang kaligtasan na aking natamo dahil sa pagmamahal ng ating Diyos sa akin. Napakaganda ang tema natin ngayon at kung hindi siguro nauna ng mailathala sa litratong pinoy website ang pagkakaron natin ng kaligtasan sa pagmamahal ni Kristo ay malamang yun din ang naging tema ko.

Pero isa rin sa mga itinatangi kong regalo ay ang pagkakaron ko ng kakambal. Napakaswerte ko at mula pagkabata ay nagkaron ako ng kasakasama, kalaro, kaaway, kaibigan at karamay. Di man kami laging magkasundo at magkasama na ngayon ay alam kong iba talaga ang "bond" na nag-uugnay sa amin.

Sa litratong ito, makikita mo ang pagkakaiba namin ng personalidad. Seryoso sya at ako ay mahilig maglaro (mga practical jokes na ngayon kasi matanda na kami.) Linalagyan ko ng hermit crab yung likod nya. Sama ko no? joke sa akin ang kagatin sya ng hermit crab. hehehe! Laid back sya manamit at ako ay medyo mas pormal (di ko naman alam na pupunta kami sa beach). Seryoso sya at ako'y happy go lucky daw. Yan ang mga opinyon ng ibang tao sa amin. Pero marami rin kaming similarities kaya nagkakasundo kami talaga at pareho kami ng mga kaibigan. Hindi lahat ay may kakambal kaya napakahalagang regalo sa akin ng Panginoon ang pagkakaroon ng isang katulad nya.